ओठावर प्रणयी ओल स्नेहमय शब्द जिव्हाळ्याचे
ओषाड घनातिल जणू धरेवर अगतिक वळवाचे
सढळ समागम तृप्त विसावा खेळ ऐहिकाचे
मोहरलेले अंग अंग उधळी मदगंध मनाचे
……… अज्ञात
Thursday, 30 January 2014
मदगन्ध
ओठावर प्रणयी ओल स्नेहमय शब्द जिव्हाळ्याचे
ओषाड घनातिल जणू धरेवर अगतिक वळवाचे
सढळ समागम तृप्त विसावा खेळ ऐहिकाचे
मोहरलेले अंग अंग उधळी मदगंध मनाचे
……… अज्ञात
Wednesday, 29 January 2014
http://maharashtratimes.indiatimes.com/articleshow/23376423.cms
माझ्या आजवरच्या वाटचालीची अनपेक्षित दखल घेऊन; तिची ओळख राज्यपातळीवर करून देऊन महाराष्ट्र टाईम्सने मला सुखद धक्का दिला. प्रत्यक्ष मुलाखत न घेता उलगडलेला हा प्रवास आणि लिखाणातले नेमकेपण यातून पत्रकाराची माझ्या-माझ्या व्यवसायाविशयीची प्रांजळ आस्था दिसून येते. आत्मियतेने तटस्थ भूमिकेतून केलेला हा सन्मान माझ्यासाठी खरया अर्थाने " हार्दिक " आहे. महाराष्ट्र टाईम्सचे मनापासून आभार
माझ्या आजवरच्या वाटचालीची अनपेक्षित दखल घेऊन; तिची ओळख राज्यपातळीवर करून देऊन महाराष्ट्र टाईम्सने मला सुखद धक्का दिला. प्रत्यक्ष मुलाखत न घेता उलगडलेला हा प्रवास आणि लिखाणातले नेमकेपण यातून पत्रकाराची माझ्या-माझ्या व्यवसायाविशयीची प्रांजळ आस्था दिसून येते. आत्मियतेने तटस्थ भूमिकेतून केलेला हा सन्मान माझ्यासाठी खरया अर्थाने " हार्दिक " आहे. महाराष्ट्र टाईम्सचे मनापासून आभार
Tuesday, 28 January 2014
Monday, 27 January 2014
रसिका
गुंतती खुणा गाठती रेशमी धागे
हृदयात रुधिर रसिकाचे जेंव्हा जागे
चांदणे टिपुर आवसेचे निर्मळ अवघे
चंद्रास न माहित पण; ते पडद्यामागे
श्वासांचे प्राक्तन; सुखवी प्रेम नि माया
चिरतरुण ठेवते अभिलाषा; मन-काया
जन्मास सोबती गोत; खेळ खेळाया
शोधण्या किनारा लाट हवी उसवाया
प्रेरणा कामना उचंबळाचे कारण
ऋतु गंध रंग रस चैतन्याचे सारण
अभिसरण नसे ते; रुक्ष पोरके अंगण
दशदिशा चराचर अस्वादास्तव आंदण
………………… अज्ञात
हृदयात रुधिर रसिकाचे जेंव्हा जागे
चांदणे टिपुर आवसेचे निर्मळ अवघे
चंद्रास न माहित पण; ते पडद्यामागे
श्वासांचे प्राक्तन; सुखवी प्रेम नि माया
चिरतरुण ठेवते अभिलाषा; मन-काया
जन्मास सोबती गोत; खेळ खेळाया
शोधण्या किनारा लाट हवी उसवाया
प्रेरणा कामना उचंबळाचे कारण
ऋतु गंध रंग रस चैतन्याचे सारण
अभिसरण नसे ते; रुक्ष पोरके अंगण
दशदिशा चराचर अस्वादास्तव आंदण
………………… अज्ञात
Sunday, 26 January 2014
Wednesday, 22 January 2014
बंधने
ओठांस बंधने हृदयाची
हृदयास प्रेरणा प्राणाची
प्राणास गती मन-शरिराची
शरिरास कुंपणे काळाची
काळास न आहे गोत कुणी
वय चिर ओघळणारे पाणी
अंतास अथांग जलाशय पण
त्यासही किनारयाची करणी
गुदमरे प्रयोजन जन्माचे
ईप्सीत न कळते जगण्याचे
प्रणयात म्हणे क्षणशांती परि
सागरास अथक अशांती
………………. अज्ञात
हृदयास प्रेरणा प्राणाची
प्राणास गती मन-शरिराची
शरिरास कुंपणे काळाची
काळास न आहे गोत कुणी
वय चिर ओघळणारे पाणी
अंतास अथांग जलाशय पण
त्यासही किनारयाची करणी
गुदमरे प्रयोजन जन्माचे
ईप्सीत न कळते जगण्याचे
प्रणयात म्हणे क्षणशांती परि
सागरास अथक अशांती
………………. अज्ञात
Monday, 20 January 2014
निरलस
सुकते झडते पुन्हा उगवते भावुक ओले नाते
अवनीलाही कळते ना कोशात कसे तण अंकुरते
स्पर्श खुणेचा थेंब एक , गंधाळ : कुपीतुन उलगडते
रोम रोम रंध्रातुन अलगद अंतरातले दरवळते
कुठेच ना शब्दांचे जोखड मुक्यानेच सारे घडते
झुळुक वाहते अशीच निरलस अंग अंगणी शहारते
………………. अज्ञात
अवनीलाही कळते ना कोशात कसे तण अंकुरते
स्पर्श खुणेचा थेंब एक , गंधाळ : कुपीतुन उलगडते
रोम रोम रंध्रातुन अलगद अंतरातले दरवळते
कुठेच ना शब्दांचे जोखड मुक्यानेच सारे घडते
झुळुक वाहते अशीच निरलस अंग अंगणी शहारते
………………. अज्ञात
Thursday, 16 January 2014
मन अंतर्मन
उगवतीस क्षितिजावर हसते दिसते लोभस मोठे
मावळतीला पुन्हाहि हसते पण ते खोटे खोटे
दोन ध्रुवांची विलग अंतरे सलग न वाटे कोठे
दिशा चुम्बकांच्या ऐशा अंतरात साटे लोटे
कुणास ना ठाऊक कसे हे काळिज धडधडते
क्षण एका भेटीस्तव मन अंतर्मन धडपडते
……………………… अज्ञात
मावळतीला पुन्हाहि हसते पण ते खोटे खोटे
दोन ध्रुवांची विलग अंतरे सलग न वाटे कोठे
दिशा चुम्बकांच्या ऐशा अंतरात साटे लोटे
कुणास ना ठाऊक कसे हे काळिज धडधडते
क्षण एका भेटीस्तव मन अंतर्मन धडपडते
……………………… अज्ञात
Saturday, 11 January 2014
प्रीत खुळी
प्रीत खुळी
एक हुंदका कुशीतला निश्वास सांडला आकाशी
वादळ विरले उरले लाघव हिरवळले चंद्रापाशी
उलगडल्या सावल्या नाचल्या रास जणू हृदयी कोषी
अवसेकाठी पुनव रंगली ना कळले अवचित कशी
कळा मिळाल्या ऋतुपर्णांना गंध कळ्यांना ह्या वेळी
मेघ दाटल्या नभओळी अंगणी रंगली रांगोळी
वलय शहारा अंकुरला ओठांवर खळखळ ओघळली
जातकुळी ही प्रीत खुळी रुधिरावर अलगद पागोळी
……………………… अज्ञात
एक हुंदका कुशीतला निश्वास सांडला आकाशी
वादळ विरले उरले लाघव हिरवळले चंद्रापाशी
उलगडल्या सावल्या नाचल्या रास जणू हृदयी कोषी
अवसेकाठी पुनव रंगली ना कळले अवचित कशी
कळा मिळाल्या ऋतुपर्णांना गंध कळ्यांना ह्या वेळी
मेघ दाटल्या नभओळी अंगणी रंगली रांगोळी
वलय शहारा अंकुरला ओठांवर खळखळ ओघळली
जातकुळी ही प्रीत खुळी रुधिरावर अलगद पागोळी
……………………… अज्ञात
विदारके
विदारके दृष्टीस मिळाली भेट जाहली प्रतिमेची
दिशा दशा आक्रसून आल्या मोट बांधली लाटेची
प्रतिबिंबासह बिंब पेटले किमया अनगड प्रेमाची
कातर ओळी थरथरल्या जाळीत बंधने काळाची
हसले विझले ऋतू मनावर माया सरल्या वेळेची
आतुर हिरवे कोंब सदा ही कथा पोरक्या मातीची
………………… अज्ञात
Thursday, 2 January 2014
भरारी
घेत भरारी गगन विहारी विहंग मन प्रतिमा कोरी
वेध दिशांचे युगे युगे जन्मो जन्मी विस्मयकारी
अशक्य कोटी असंख्य नाती गुंता अनुनय गाभारी
अन्वय शोध बिचारे अगणित चुकार भाषा व्यभिचारी
गाळिवशा रिपुकांच्या भिंती रोप पेरती अविचारी
किती करावे थोडे ते तृप्ती न कधीच महाद्वारी
द्यावे घ्यावे विसरावे परतून न यावे माघारी
निववेल कुणी इच्छा वांच्छा थांबेल कधी का ही वारी ??
………………………. अज्ञात
वेध दिशांचे युगे युगे जन्मो जन्मी विस्मयकारी
अशक्य कोटी असंख्य नाती गुंता अनुनय गाभारी
अन्वय शोध बिचारे अगणित चुकार भाषा व्यभिचारी
गाळिवशा रिपुकांच्या भिंती रोप पेरती अविचारी
किती करावे थोडे ते तृप्ती न कधीच महाद्वारी
द्यावे घ्यावे विसरावे परतून न यावे माघारी
निववेल कुणी इच्छा वांच्छा थांबेल कधी का ही वारी ??
………………………. अज्ञात
Subscribe to:
Comments (Atom)