"सापेक्षी"

फुलास आशा पंखांची
पंखास पाकळ्या जडलेल्या
दाटून कोष भर अभिलाषा
गंधीत रमण मन वाऱ्याशी
             ओढाळ गती घायाळ मती
             ओघळे मदन अवती भवती
             श्वासास दिलासा स्पर्शाचा
             भावना लगडलेल्या गोती

भंगूर कथा हृदयातील ह्या
भारून अवध काळावरती
चंद्रास पाहता येई जशी
सागरास उन्मळुनी भरती
              आकाश क्षणांचे गोपखळे
              प्रतिबिंब त्याचे सापेक्षी
              रुधिरात निर्झरे अक्षरघन
              भाषा शब्दांची ओघवती

………………. अज्ञात